المقدمة
كلنا جربنا نضاعف الوصفة أو نقسمها على اثنين، صح؟
وأحيانًا تكون الصينية عندنا دائرية، وأحيانًا مستطيلة، ونطلع بنتيجة غلط!
أكيد قد مرت عليك هذي التجربة زي ما مرت عليّ. كنت دايمًا أحسبها بطريقة بسيطة: أضرب أو أقسم المكونات وخلاص.
لكن بعد التجارب الكثيرة، اكتشفت إن هذي الطريقة غلط! القوام يخرب، النكهة تخف، والكيكة يا ترتفع زيادة يا تطلع مسطحة. بعد ما حضرت كورسات وبحثت عن المعلومة عشان كل مرة أطلع بالنتيجة الصح، تعلمت المعادلة الصحيحة اللي تضمن لك النتيجة المثالية مهما غيرتي حجم الصينية. واليوم بشاركك هذي المعادلة عشان تسهل عليك وتضبط لك كل وصفاتك.
المعادلة الذهبية
المعادلة تعتمد على المساحة، مو على القطر بس، ونستخدمها للصواني سواء دائرية او مربعة
المساحة = نصف القطر × نصف القطر × π (3.14).
انا اختصرتها لكم و حسبت المساحات و رتبتها في الجدول التالي:
مقاس الصينية (القطر بالإنش) | نصف القطر (بالإنش) | الشكل | قيمة المساحة (بالإنش المربع) |
|---|---|---|---|
4 | 2 | دائري | 12.56 |
5 | 2.5 | دائري | 19.63 |
6 | 3 | دائري | 28.26 |
7 | 3.5 | دائري | 38.47 |
8 | 4 | دائري | 50.24 |
9 | 4.5 | دائري | 63.59 |
10 | 5 | دائري | 78.50 |
11 | 5.5 | دائري | 94.99 |
12 | 6 | دائري | 113.04 |
طريقة استخدام الأرقام
1. حددي الصينية الأصلية اللي استخدمتيها في الوصفة الاساسية وخذي رقم مساحتها من الجدول.
2. حددي الصينية الجديدة الي حابة تخبزي فيها وخذي رقم مساحتها.
3. احسبي النسبة:
النسبة = مساحة الصينية الجديدة ÷ مساحة الصينية الأصلية.
4. اضربي كل المكونات في هذي النسبة.
1. الوصفة الأصلية
المقاس: 6 إنش دائرية
المقادير:
340 جم دقيق ذاتي التخمير
340 جم سكر ناعم
340 جم زبدة
4 بيضات
2 ملعقة كبيرة فانيليا
2. خطوات الحساب (لتغيير المقاس إلى 8 إنش دائرية)
العملية: قسمة مساحة الصينية الجديدة على مساحة الصينية الأصلية.
الحساب: 50.24 ÷ 28.26 = 1.78
الخطوة التالية: نضرب الناتج (1.78) في كل المقادير الأصلية.
3. المقاس والمقادير المعدلة
المقاس الجديد: 8 إنش دائرية
المقادير المعدلة:
612 جم دقيق ذاتي التخمير
612 جم سكر ناعم
612 جم زبدة
7 بيضات
3.6 ملعقة كبيرة فانيليا
نصائح احترافية:
✅ لا تنسين تعديل وقت الخبز، الصينية الأكبر تحتاج وقت أقل لأن الخليط أرق.
✅ استخدمي ورقة وقلم أو تطبيقات الحساب عشان تسهل عليك.
الخاتمة
هذي المعادلة سهلت عليا الوصفات و دايما اطلع بنتائج ثابته وناجحة مهما غيرت المقاسات. جربيها، وشاركيني تجربتك في التعليقات!
-شيف سحر القرني